Information & Public Relations Director Pi Lallianpuii chuan vawiin khan Kolasib a tlawh a, DIPR Office Staff te bakah Kolasib MJA member te nen inkawmhona hun an hmang.

Inkawmhona hun ah hian Pi Lallianpuii chuan Sawrkar hnathawk te chu mipui tana hnathawk kan tih ah hian chian tlat tur ani tiin min rawn dawr tu te lakah tanpui duhna thinlung kan put a pawimawh thu a sawi a, an harsatna te kan sutkian sak vek theilo a nih pawhin theihtawp kan chhuahsak a ngai ani tiin DIPR Office Staff te a fuih a, rinawm leh taima taka thawk chhunzawm turin a chah bawk a ni.

Hemi bakah hian Chanchinbu mite nen inkawmhona hun hmang bawkin I&PR Director chuan kawng hrang hranga mipuite zirtir theitu leh hriatzauna pe theitu chanchinbu mite hna chu a pawimawh hle ani tiin Department finchhuah na kawngah pawh tih theih tamtak an neia, thawhhona tha a awm chhunzawm zel theihnan hmalakna te pawh a awm chho zel ani tiin mipui te hnena kawng hrang hranga awareness pek na tur kawngah pawh Sawrkar in hma ala mek zel ani a ti bawk.

I&PR Director hian Kolasib project venga DIPRO Quarter sak mek bakah Kolasib District MJA Press Club pawh a tlawh bawk a ni.