Aizawl SP Traffic chuan ahnuai ami ang hian Aizawl khawpui chhung Bawngkawn kawngpui dunga lirthei chet vel dan a lo fel zawk theih nan leh mipui vantlang him zawk nan hriattirna a chhuah:
Lirthei lian MMV/HMV Aizawl khawpui chhung lut lova Bawngkawn tlan tlanga Zemabawk lam leh Sairang lama tlan tur te tan tlan dan tur ruahmanna thar a hnuai a mi ang hian (a enchhin nan) siam a ni.
1. Bawngkawn leh Zemabawk inkar No Entry Period chu hetiang hian tihdanglam a ni.
a) No Entry Period 7:00 AM - 8:00 PM ni thin chu 8:00AM -7:00 PM a ni tawh ang.
b) Entry Period chhung 7: 00 PM - 8: 00 AM inkarah lirthei liante Bawngkawn leh Zemabawk inkarah an tlan kawp thei ang.
c) Sairang Road atanga Zemabawk lam tlan tlang duhte chu 8: 00 AM - 1:00 PM inkar chhung an tlan phalsak a ni.
d) Zemabawk atanga Sairang Road lam tlan tlang duhte chu 1:30 PM -7:00 PM inkar chhung an tlan phalsak a ni.
2. Ch Saprawnga Truck Terminal leh Bawngkawn inkarah MMV leh HMV an Stand-a ding tih loh chu kawngsira din/park phal a ni lo.
He ruahmanna thar siam hi thla khat chhung enchhin phawt a ni ang a, ni 1.8.2017 atanga hman chhin a ni ang. Lirthei tlan dan tur achunga sawi anga tlan chhin anih hun chhung hian he ruahmanna siam a that tawk lohna emaw a tih that zawk dan tur hriate chuan ziakin SP, Traffic Office-ah rawtna a thlen theih a ni.
