Tunlai fur ruah sur thin avangin hmun hrang hrang ah leimin/leitawlh avangin in kal pawhna a tlang thatloh chang a awm thin a, abik takin Sairang lam leh Lengpui Airport lam pan tur te chu Rangvamual a leimin thin avangin kaltlang theihloh chang a awm thin, hemi avang hian mahni thu thu a kal mai lovin kawng dinhmun hrechiang hmasa turin Traffic Control Room Phone No :- 0389-2322307-ah emaw O.C, Traffic Phone No :- 9862376929 leh Dy. SP, Traffic Phone No :- 8974241998-ah te zawhfiah theih reng a ni tih mipuite an hriattir.

Public Notice dated 27th May, 2016-a an chhuah tawh angin helai Rangvamual lei tawlh thenfai hnathawh mek avangin nitin tlailam dar 3:00 atanga dar 6:00 thleng lirthei kaltlang theih lohvin kawng block a ni thin a, helai hmuna hnathawkte leh Traffic Police duty te thu tha taka awi thin turin an ngen bawk a. Silchar via Kawnpui lam kal tum te phei chu Sairang lamah kal kher lovin Durtlang lam road-ah kal nghal mai thin nachang hre turin an hriattir bawk a ni.