Vawiin chawhma dar 11:30 khan Education Campaign Diakkawn YMA Hall-ah Pu. H.Rohluna, Honble Minister, School Education in a hmanpui.

Minister chuan Zirtirtu kal khawm te hma ah thusawiin, ‘Education Campaign a ngai tawh lo kan ti mai thei a, amaherawhchu, mihring chu infuih tawn ngai reng kan ni a vawiin a kan awm ang ang hian hma i sawn zel ang u”a ti a, “zirtirtuten thahnemngaitaka hna kan thawk lo anih chuan, Department atangin eng ang pawn hma la ila, a tangkai tak tak thei lovang “a ti a, hna zahawma ani a khawtlang ah pawh mi zahawm an la ni reng ani a ti a, nungchang mawi lo zirtirtu thenkhat avangin kan khawtlang hmai an ti bal fo thin ati a, hna zahawm thawk kan nihna khawtlang ah pawh min hriatpui thin angin i chawi nung zel ang u’ a ti.

Naupang enkawlna hi inpekna tak tak tello chuan a hlawhtling thei tak tak ngailo a ni, ati a, hmangaih taka enkawl leh zirtir an nih leh nih loh naupang ten an hre thin. Naupang ze in anglo pui pui; chhungkaw in anglo tak tak atanga lokal anni a, chung mite chu an dinhmun a zir zela enkawl hi kan mawhphurhna ani a ti.

Minister chuan, Zirtirtu hna hi a duhna zawngin thawh theih ani lova, Proffissional jobs, noble jobs anih in thiamna a takin naupang te-ah lo lan tir rawh u. inthlahdah lovin hma ila thar ang u, khawvel hmasawnna chak tak ah kan awm mek a, chuvangin zirtirtu te pawh kan in update ve reng angai a, chutiang anga kan in update ve reng loh chuan kan naupang ten an tuar ang, tin, naupang te an kal zelna ah an hmalam (Carrier guidance) kawh hmuh thei tur zirtirtu tha kan ngai ani a ti.

Tin, zirlai nu leh pa te leh zirtirtute kan inpawh tawn that a pawimawh hle ani, naupangten harsatna an neih te pawh nu leh pa te nen a sut kian dan zawn thin nise, tun dinhmun ah sikul thenkhat ah naupang an tlem na chhan chu zirtirtu te kan in thlah dah vang ani lo maw? nakin a kan khawtlang ram leh hnam hruaitu tur kan chher chhuahna kawngah kan hna ah rinawm taka kan thawh zel a pawimawh ta, kan duh ang diak diakin a hlawhtlinna hmu nghal lo mah ila rinawm takin kan hna thawk theuh ila a rah kan la hmu ngei ang. Kum tin pawl sawm exam ah kan pass percentage a sang tual tual a, chu chu zirtirtu te avang ani a ti.

Minister chuan zirtirtu ham thatna leh an hma lakna te a sawi a, tun ah hian Education Deptt. in Primary school, Middle school, High school, Higher Secondary school ah zirtirtu thahnem tak an regularised tawh ani ati.

He Education campaign ah hian Pu Joseph Lalhimpuia Hon’ble Parliamentary Secretary, School Education chu khualzahawm niin thu asawi a. Pu Lalzirmawia chhangte Addl Secretary school education deptt. leh Pu H Lalengmawia IAS DC Kolasib ten thu an sawi bawk ani. He hun ah hian zirtirtu thahnem tak Kolasib District chhung a mi an kal khawm ani.