National Highway-54, Rangvamual a leimin/leitawlh thenfai hnathawh anih avanga helai hmuna lirthei tlandan tur SP, Traffic Notification No.RO/TRF/SP-Noti-7/08/790 Dt. 24.6.2016 a lo chhuah tawh chu hetiang hian siam danglam a ni :-

(l) Zan lam dar 10:00 PM atanga a tuk Zing dar 5:00 AM inkarah chauh kawngpui hi khar thin a ni ang.

(2) Motor Lian (HMV) te Aizawl khawpui chhung an luh theih hun chu Zan Dar 7:00 PM sawn hma a ni.

(3) Zan lam Hnathawh hun darkar bithliah chhungah hian Lungverh to Ramrikawn via Sakawrtuichhun kawng lamah LMV-te tlan tur ani ang. Lungverh to Ramrikawn via Sakawrtuichhun kawngah hian 407 (truck) leh a chunglam lirthei lian te chhuk leh chho zawnga an tlan phal a ni lo. 

He ruahmanna thar hi public interest atan liau liau a siam a ni.

He thuchhuah/thupek hi thu leh awm hma chu ni 4.7.2016 atanga hman tur a ni ang.

Amaherawhchu, emergency thil pawimawh bik atan leh Sorkar mi pawimawh bik zual VVIP/VIP chet velna thilah chuan Traffic Police hotute leh helai hmuna hnathawk hotute inbe rawnin a tul dan angin ruahmanna an siam chawp thei ang.