Tuivamit leh Tanhril (Ramrikawn) area chhung a motor kawngpui ah lirthei tluang zawka an kal theih nan te, lirthei chevel leh mipui kawng hmangtute an lo him zawk nan te, MZU lam pana lirthei kal leh haw lam tih ziaawm nan te leh FCI Godown-a lirthei lut leh chhuak leh chevel tihzia awm nan,*FCS &CA Department hotute, Traffic Police hotute, MZU JAC hruaitute, Tuivamit leh Tanhril khawtlang hruaitute leh Mizoram Truck Drivers Association hruaitute chuan a hmunah ni 15.9.2016 a enfiahna an neih hnuin Mizoram State’Sorkar Notification No. B. 12021/10/04-TRP Dt. 22.8.2008 leh Section 117 of MV Act, 1988 in thuneihna a pek angin Aizawl City Traffic S.P chuan a hnuai a mi ang hian thupek a chhuah :
1. MZU leh Tanhril kawng peng thuam atanga MZU lam panna kawngpui dungah HMV (truck) din phal a ni lo. Hei hian Pu Rintea huan peng atanga FCI Godown lam kawngthlang lam ah Truck pali (4) din theihna leh Pu Lalrosanga kawmthlang zawn kawngthlang lam Truck pahnih (2) din theihna a huam lovang.
2. Luangmual leh Tuivamit inkar kawngpui dungah HMV (truck) din phal a nilo, hei hian Geology & Mining Site Office bul Pu Thanseia In zawn atanga khawthlang lamah HMV (truck) pariat (6) din theihna a huam lovang.
3. FCI Godown atanga MZU lam 100 metres (Pu H. Rozama Building) leh FCI Godown atanga Ramrikawn lam 150 metres (Pu Lalchunga Building) inkar kawngpui sir tawn tawn ah LMV leh a aia lian lirthei engchi mah din phal a nilo.
4. Hei bakah hian tul bik thilah chuan Aizawl City Traffic Police, FCI hotute leh Truck Driver Association hotute inbe rawn in ruahmanna siam theih a ni ang.
He thupek (Notification) hi ni 19.9.2016 atangin thu leh awm hma chu hman a ni ang, ni 26.8.2016 a lo chhuah tawh Notification No. RO/TRF/Sp-Noti-7/08/1037 Dated 26th August, 2016 a luahlan nghal ang.
He thupek bawhchhia te chu MV Act Section 177 & 179 hmanga man a hrem theih an ni ang.
He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang a.
