India ram Prime Minister Shri Narendra Modi chuan Ni 23.11.2018 ah Aizawl a rawn tlawh dawn avangin a hnuaia mi ang hian lirthei tlan dan tur leh dah dan tur ruahmanna siam a ni a, mipuiten tha taka kan zawm a kan Prime Minister lo zin hi him leh tluanga taka a hun a hman theih nan Traffic Police hmalakna avanga harsatrna kan tawk a nih pawhin lo hrethiam hram turin kan in ngenin kan in hriattir a ni e.

Thuampui leh Khatla North Biak In inkar –via- Bawngkawn, Chaltlang Dawrkawn, Chanmari, Zarkawt, Bazar Bungkawn, Zodin, Treasury Square, Aizawl Club inkarah lirthei eng chi mah (a chhia emaw a tha emaw) Ni 23.11.2018 zing Dar 6:00 atanga Prime Minister a haw fel hma chuan din/dah phal a ni lo.

Thuampui leh Aizawl Club inkar –via- Bawngkawn, Chaltlang Dawrkawn, Chanmari, Zarkawt, Bazar Bungkawn, Zodin, Treasury Square, Aizawl Club Ni 23.11.2018 chhun Dar 12:30 atangin VVIP a haw hma zawng lirthei eng chi mah tlan phal a ni lo.

Prime Minister Carcade te khawpui chhunga an kal velnaah hun eng emaw chen chu Motor tih dinte a tul dawn a, chung avang chuan lirthei keng chhuak tlem turin kan in ngen a, a bik takin Bawngkawn paltlang turte lo inhmakhua lawk hram hram turin kan in ngen a ni.

Ni 23.11.2018 Zing Dar 10:00 atangin lirthei lian (HMV) te chu Ch.Saprawnga Truck Terminal atangin Aizawl lut zawnga an tlan phal a ni dawn lova, Thuampui lam atanga Bawngkawn tlan tlanga kal tur lirthei liante chu chhun Dar 12:00 hma in Sairang panin a kal theih ang a, a bak zawng chu Zemabawk CRP camp pelin an tlan phal a ni lovang.

He thupek hi a tul dan a zirin tih danglam theih a ni.