Sawrkar chuan mipui vantlang an lo him leh hrisel zawk nan a paihna tur hmun ni lova bawlhlawh paih leh hal khapna thupek a hnuaia mi ang hian a siam.

Bawlhhlawh leh hnawmhnawk, a paihna hmun tur ni lova paih leh thehthang mai mai te leh halral te hi Solid Waste Management Rules, 2016 chuan a khap a. He dan bawhchhetute chu kum 5 thleng Lungin tan emaw pawisa cheng nuai khat thleng chawitir emaw, a pahnih hmanga hrem theih an ni. Mizoram sorkar pawhin National Green Tribunal thupek angin 1st December, 2018 atang hian Mizoram ah pawnlera bawlhhlawh hal (open burning) khap a nih thu hriattirna ni 14.06.2018 khan a tichhuak a, bawlhhlawh haltute chu a tlem tham deuh hal-ah Rs. 5,000/- leh a tarn tham deuh hal-ah Rs. 25,000/- "Environmental Compensation" atan chawitir theih an ni. Chung pawisa chawi tling khawmte chu Aizawl-ah chuan Mizoram Pollution Control Board leh hmun dangah chuan Deputy Commissioner theuh te'n "Arrears of land revenue" angin sorkarah an chhunglut ang.