Aizawl District Disaster Management Authority ten dt. 18.9.2019 (Nilaini) Zing Dar 11:00 AM atanga Tlai Dar 3:00 PM inkarah Durtlang Leitan ko thenfai hna an thawh dawn avangin, SP Traffic Aizawl chuan a hnuai a mi ang hian Durtlang Leitan kawngpui hman dan tur ruahmanna a siam.

Durtlang Leitan hi dt. 18.9.2019, Zing Dar 11:00 AM atanga Tlai Dar 3:00 pm inkar chhungin lirthei eng chi mah kaltlang theihloh (Road Block) a ni ang.

Road Block chhung hian Durtlang Leitan kaltlanga Aizawl lam lut tur te leh Aizawl (Bawngkawn) lam atanga Durtlang Leitan lam pan tur lmv leh Two Wheeler-te chu Zuangtui - Selesih kawng ah kal tur a ni. Tin, Zuangtui - Selesih {via Durtlang)
kawngpui sirah lirthei tlan tibuai thei turin lirthei leh thildang dah/park phal a ni lo.

Road Block chhung hian Zuangtui - Selesih (via Durtlang) kawngah hian Zuangtui Godown-a Buhfai phurlut leh phurchhuak tur te chauh lo chu lirthei lian (hmv, mmv) tlan phal a ni lo.

He ruahmanna hi a tul dan a zirin Traffic Police duty-ten an ti danglam thei ang.