95/2022-2023
Aizawl, the 8th April 2022: Vawiin chawhnu khan Aizawl District Bawrhsap Dr Lalhriatzuali Ralte hovin a office-ah April 18 – 22, 2022 chhunga Block Health Mela neih dan tur sawiho a ni.

Meeting kaihruaitu, Bawrhsap Dr Lalhriatzuali Ralte chuan Hriselna Kutpui( Health Mela) chu a a mamawhtu a piang tan a chhim theih tih a sawi a. He Mela chhung hian Doctor thiam tak tak te chu Mela neihna hmunah te a mamawhtuten a thlawna an rawn theihin an thu thin dawn a. Damdawi pawh a thlawnin engemaw zat chu pekchhuah theih tura ruahman leh beisei a ni a ti. Bawrhsap chuan he hun tha hi Mela neihna chhevela khawmite tan chuan Aizawl rawn pan khel loa an in check-up hun remchang a nih avangin bawhpelh chi a ni lo a. Dam lohna avanga Daktawr rawn kan mamawh lo a nih pawhin, nakin huna damdawiin a kan senso phuhrukna tur scheme tha tak tak te kan hriatchian theihna hun leh Healthcare scheme tha tak tak te kan zawm theihna hun remchang a ni a ti. He huna rawn tel te chu Unique Health ID siam sak leh AB-PM-JAY hnuaia Ayushman Bharat Card siam sak a nih tur thu a sawi a. Ayushman Bharat pawimawhna leh Health & Wellness Centre tangkai taka hman dan te inhrilhhriat a ni dawn tih a sawi bawk.

Aizawl West CMO huam chhungah chuan April 18 hian Sialsukah leh Sihphirah Health Mela hi neih a ni dawn a. Hemi hnu hian April 22 thleng hian hmun dangah te pawh neih chhunzawm a ni dawn a. Block Health Mela neih dan tur hi chiang zawkin a remchan dang anga in hriattir tura ruahman a ni. Aizawl East huamchhung – Saitual leh khaw dangah te pawh Health Mela hi neih a ni dawn a; a hun leh hmun te chiang zawka rawn tarlan a nil eh dawn a ni.

Block Health Mela neihna hmunah te hian Daktawr thiam rual te an natna enkawl thin a zirin dawhkan hrang hrangah a puitu Nurse leh thawktu dang ten en an thu dawn a. Natna benvawn zunthlum, thisen sang, ka chhung cancer leh TB te chu a test nghal theih dawn a. Natna dang nei tan pawh Daktawr rawn tur an awm dawn a ni.