April ni 11, 2019 a Aizawl West-I Assembly Constituency by-election a vote tla te chu vawiin khan chhiar a ni a, Mizo National Front Candidate Pu Zothantluanga chu thlan tlin a ni a, vote tla te hi zing dar 8:00 atanga chhiar tan niin buaina leh harsatna awm lovin chawhma lamah chhiar zawh vek a ni a, Vote chhiar lai hi Election Observer leh returning Officer ten uluk takin an vil reng a ni.

Aizawl West-I Assembly Constituency by-election ah hian Candidate pathum awmin vote tla te hi round li a chhiar a ni a, vote hmu sang ber MNF candidate Pu Zothantluanga hian vote 12489 a hmu a, amah hnaih ber tu Independent a ding Pu Lalbuanga Sailo chuan vote 5322 hmu in Independent a ding ve tho Rev. Dr. Zaichhawna Hlawndo chuan vote 452 a hmu a, NOTA vote 128 a tla bawk.

A hnuaia table ah hian vote tlak dan kimchang tarlan a ni.