No.800/2021-2022

Aizawl the 3rd June, 2021 : Hripui leng mek avanga harsatna hrang hrang thleng mekah, Aizawl West-I Bialtu MLA Pu Zothantluanga chuan a bial chhung mipuite thlamuan tur leh hri dona atana an hmanraw mamawh hrang hrangte a sem.

Vawiin khan Pu Zothantluanga chuan a bial chhunga Chawnpui Venga Seventh Day Adventist Damdawi In chu tlawhin, damlo enkawl mekte leh thawktute tan hengte hi a hlan : Buhfai bag 5, Alu bag 2, Dal bag 1, Neutrela bag 1, Têl case 1, Hand sanitizer, Gloves leh Garbage bag thahnem tak.

Tukin vek khan Chawnpui Veng Local Task Force te pawh tlawhin, Silpauline thahnemtak a hlan bawk a. Nimin nileng khan a bial chhunga Central Jail Veng, Tanhril, Sairang leh Dinthar Sairanga Community Covid Care Centre te chu tlawhin, heng an mamawh chi hrang te hi a hlan bawk a ni : Oxygen Concentor, PPE Set, Bawlhhlawh ip, Mask bawm, Glove bawm khat leh Sanitiser.

Heng bakah hian heng CCCC tan hian eitur chi hrang hrang, damdawi leh damlo enna hrang hrang a lo hlan tawh bawk a ni.