281/2022-2023
Aizawl, the 26th April 2022: Vawiin khan India sawrkar laipuiin India ram zalenna kum 75-na tlin hun puala lawmna kal mek, Azadi Ka Amrit Mahotsav denchhen in Kisan Mela/Farmers Fair buatsaih a ni a. He kutpui hi Shri Narender Singh Tomar, Hon'ble Minister of Agriculture & Co-operation chuan a hawng a ni.

Kisan Mela/Farmers Fair hi Ministry of Agriculture & Farmers Welfare, Department of Agriculture & Farmers Welfare, Government of India kal tlangin India ram puma KVK te kaltlang a buatsaih a ni.

Mizoramah chuab Agriculture Directorate leh District hrang hranga KVK ah te bakah Line Department - Agriculture, Horticulture, Fisheries, ATMA, FOCUS, AH & Vety, DIPRO, ICAR, NABARD hmunah te he hun hi an hmang bawk.

District tinah KVK Agriculture Department leh District ATMA ho in exhibition buatsaih a ni a. He Exhibition-ah hian department hrang hrang- Agriculture, Horticulture, Sericulture, ATMA leh KVK ten an thil thar chhuah hrang hrang mipui tana lei theihin an pho chhuak a ni. Fair-ah hian Farmers stall siam niin hetah hian kuthnathawktuten an thar chhuah hrang hrangte an pho chhuak bawk.

He hun hmang tur hian District tin a khaw hrang hrang atangin kuthnathawktute an kalkhawm a. Kuthnathawktute leh Agriculture mithiamten inkawmhona hun (Farmers Scientist interaction) hman niin, he hunah hian kuthnathawktute harsatna hrang hrang sawiho a ni a, Agri & Allied department ten department kaltlanga sawrkar hmalakna leh scheme hrang hrang kalkhawmte hnenah hriattirna hun an hmang bawk.