282/2022-2023
Aizawl, the 26th April 2022 : Prime Minister Shri Narendra Modi kaihhruaina in India ram independence kum 75 denchhenin ram pumpui ah ‘Azadi ka Amrit Mahotsav’ kut ropui hmanmek a ni a. He kut hian mi zawng zawng a huam vekin India ram pumpuiah March 12,2021 atang khan kalpui tan niin August 15,2023 thleng kalpui tum a ni.

Hemi pualin loneitute leh kuthnathawktute tan Sawrkar Laipui, Ministry of Agriculture and Farmers Welfare chuan programme hrang hrang - seminars, workshops, campaign, Mela leh a dangte buatsaih an rel a, hemi an campaign na ah hian green revolution, yellow revolution, sweet revolution, thlai tui pekna kawnga hmathar lak dan te, tharchhuah tihpun kawnga technology hman tangkai dante loneitu hrilhriat tum a ni.

Mizoram ah pawh loneitu puala kut – Kisan Mela hi District tinah KVK leh ATMA tang kawpin vawiin atang khan an buatsaih tan a. District thenkhatah chuan Deputy Commisssioner in telpuiin loneitute nen pawh inkawmna hun tha tak an nei a ni. Agriculture Minister Shri Narendra Singh Tomar in Kisan Mela hawnna hun chu online in Delhi atangin a kaihruai a ni.