283/2022-2023

Siaha, the 26 April : Vawiin  chawhma dar 11:30 khan Krishi Vighyan Kendra (KVK) Siaha leh Agriculture Management Technology Agency (ATMA), Siaha te ṭangkawp chuan KVK Complex, Siaha-ah Kisan Mela/Farmers Fair an buatsaih a,  Pu Lalsangliana, Deputy Commissioner, Siaha chuan khuallian niin hun a hmanpui.

Vawiin hun hmannaah hian khuallian Pu. Lalsangliana chuan thu sawiin, loneitute hi India ram sawrkarin a ngaihpawimawh thu te leh India ram ei leh bar innghahna chu loneitute an nih thu te a sawi a. India ram damkhawchhuahna chu agriculture a ni. Loneitute hian vawilehkhatah lei rem rap lo mah ila taima taka kan thawh chuan dinhmun ṭhaah kan la awm dawn a ni, a ti bawk. Mihring sum hlu ber pakhat chu taimakna a nih tiin, kalkhawmte chu taima tak a thawk turin a fuih hlawm a ni.

Vawiin programme hi Dr. H. Vanlalhmuliana, Sr. Scientist & Head, KVK, Siaha leh Pi Elizabeth Khaimichho, Project Director, ATMA, Siaha ten an kaihruai a . Pu Lalthanliana Hranglung in hun serh hmangin Siaha District PYD Choir ten hla mawi tak an rem bawk.  A hawnna programme Delhi- a
Shri. Narendra Singh Tomar,Hon'ble Minister of Agriculture & Farmers welfare , Gov't of India in a neih chu live a en hona hun hman nghal a ni.

He hunah hian Agriculture leh allied department Heads of office te sawm niin, central leh state aṭanga loneitute hamṭhatna tur scheme an neih hrang hrang te leh an hmalakna report tawi an pe hlawm bawk.

Vawiin hun hi  Pi Lalramhluni, DAO, Pu Vanlalvuana Rokhum, DHO, Dr.C.Khawlthangmawia DVO, Pi.Lalrampari Chhangte Fishery Demonstrator, Pu B.Zonuntluanga ,DSO ten an telpui a ni.

Vawiin hun hmanah hian Pi J.Vanlalhluzuali, Subject Matter Specialist (Agri. Extension) chuan  natural farming awmzia leh pawimawhna tih thupui a hmangin power point presentation in zirtirna a pe bawk. Pi S.Sisi,Subject Matter Specialist (Horticulture) pawhin  best agricultural practices on important crops of Siaha District tih thupui hmangin zirtirna a pe ve bawk.

He hunah hian Loneitute leh mithiamte inkawm hona neiin millets , oilseeds etc chin dan sawi ho in ,zawhna leh chhanna hun  hman nghal niin, thlai chi hrang hrang, home science products, huan enkawltute thlai leh thei thar chhuah te lei theih a pho chhuah nghal niin, animal and plant health clinic an hawng nghal bawk a ni.

 Dr.Lalzaidami, Matter Specialist(Animal Science) in lawmthu sawina in vawiin programme hi a khar ta a ni.