280/2022-2023
Aizawl, the 26th April 2022 : Vawiin khan IGNOU hmunpui New Delhi a Convocation vawi 35-na hman a ni a, hemi rualin Aizawl, IGNOU Regional Centre pawhin Aizawl ah Convocation hi an hmang a, Mizoram University Vice Chancellor Prof. K.R.S. Sambasiva Rao in Convocation hi Aizawl ah a hmanpui a ni.

MZU VC Prof. Rao chuan IGNOU in Open Distance Learning (ODL) chungchangah a sulsutu niin rampumah hlawhtling taka ODL an kalpui thu a sawi a. IGNOU chu India ram mai nilo ram pawnah pawh inzarhpharhin Centre te an nei tiin zirlai maktaduai 3 lai an neih thu a sawi a. IGNOU course leh degree chu University dang nen inangtlang a nih dan tarlangin an programme thenkhatte chu a bika duan a ni thu a sawi.

IGNOU Senior Regional Director Dr. S.R. Zonunthara chuan he hunah hian IGNOU Aizawl Regional Centre hnuaia zirna peng hrang hrang hnuaia hmalakna te a sawi a ni.

Vawiin IGNOU in mi 291588 degree a pek zinga 908 chu Aizawl Regional Centre hnuai ami te an ni.