1190/2022-2023
Aizawl, the 8th July 2022: Vawiin khan Environment, Forest & Climate Change Department Mizoram leh an thawhpuite chuan Mizoram hmun 75-ah thing phun runpui hun an hmang a. Aizawlah chuan Pachhunga University College chhunga City Forest-ah he hun hi Pu TJ Lalnuntluanga Minister of State, EF&CC hova hman a ni.

India ram hmunpui ber Delhi-ah Pu Bhupendra Yadav, Union Minister, Environment Forest & Climate Change chuan he hun hi a hawng a ni.

India Independent kum 75 lawmna Azadi Ka Amrut Mahotsav denchhenin kumin hian programme hrang hrang ah hman thin a ni a. India ram in kumtin a thing phun kutpui (Vanamahotsav) a lo hman thin pawh he hun denchhen hian India state hrang hrang khawpui 75 a City Forest ah Thing tiak 75 theuh phun hun chu a ruala hun hman a ni.

PUC a thingphunna hun hi Pu Jitendra Kumar, Principal Secretary, EF&CC chuan a kaihruai a. He hunah hian thingphun hnatlang thawk te chuan thing tiak 75 an phun a ni.

EF&CC Department chuan Mizoram District Headquarters zawng zawngah City Forest Project nei turin hma a la zel a. Tunah hian Aizawl leh Champhai ah City Forest siamna turin Central sorkar atangin pawisa a dawng tawh a. Heng khawpui ramngaw siamna atan EF&CC Department chuan sorkar Department te, Zirna in te, Tlawmngai Pawl te thawhpui zel a tum a ni.