1191/2022-2023
Dated Serchhip, the 8th June, 2022: Vawiin khan Er. Lalrinawma, Deputy Speaker,Tuikum bialtu MLA ni bawk chuan a bial chhung khua Thinglian MZP ten an buatsaih an din cham (rising day) vawi 4 na lawmna leh zirlai titha chawimawinaah khuallian niin a hmanpui.

Er. Lalrinawma chuan hlawhtling tur chuan kan rilru put hmang a pawimawh hle a, sang tak thleng tur chuan kan ngaihtuahna tih sana taima taka kan beihzui a ngai thin a ni. Thinglian zirlaite chu mahni khuaa an zir theih loh hun, College an rah hunah midangte tih theih ang chu ka thei ve a ni tih rilru pu ran zel turin a chah a. Tuna an hlawhtlinna hi an bultanna chauh a la ni tih hriaa, zirna sang zawkah nasa zawka bei zel turin a chah a ni. Thinglian khua atanga kumin a zirlai titha chawimawite hi HSSLC atangin mi pasarih (7) leh HSLC atangin mi pali (4) an ni.

Inkhawm programme hi David Lalnunmawia, President, MZP Thinglian in a kaihruai a, Ruthi Lalremruati in hunserh hmangin, MHIP, YMA leh VC aiawhte atangin thusawina hun an nei a, Pu Anthony Zirsangpuia'n lawmthusawina hun nei in hun tawp a khar a ni.