Vawiin chawhma dar 11 khan Lunglei Saikuti Hall ah AMFU, Dist. Hqrs. Lunglei Conference vawi 7 na neih a ni a, Pu S.Laldingliana Parliamentary Secretary chu khuallian a ni.

Thusawiin Pu S.Dingliana chuan AMFU hi pawl pawimawh takin ni a, kan ram leh hnam dinchhuah theih na kawng ah hmalatu leh ke pentu in ni a ti a, Tlangram lo neih hi kan bansan thei lova a sciencetific lo a ni a ti. Rim takin a sur a sa hnuai ah lo kan nei a mahse kan thar chhuah nen hian a inmil lo hle a ni a ti bawk. Mizote chu kan taima a, mahse awmze nei a taimak a ngai a ni sciencetific tak a hna kan thawh loh chuan awmzia a nei lo ani. Kan Chief Minister zahawm takin mirethei leh miharsa ten lei rem leh khaw eng an hmuh theih nan NLUP a sem a he Flagship Programme ah hian AMFU hi in pawimawh in sawrkar policy hi tih hlawhtlin i tum ang u ati bawk. Lo kan neih dan hi a sciencetific loh avangin kan ecological balance a tichhia a ram hman dan thar tur NLUP hi sawrkar in a duang chhuak ta a ni. Awmze nei leh hlawk zawk a thar chhuah tum a ni a, chuvangin NLUP hi tih hlawhtlin leh zirtirtu nih i tum ang u a ti bawk. Kolodyne Multi Model Transport Project leh Indo Bangla Border Trade te rei lo te ah a lo puitling chho tawh dawn a, lo neitu te lo in buatsaih turin a chah bawk.

He Conference hi Pu F.Hniarkunga, Vice President, AMFU Dist. Hqrs. in kaihruaiin Pu Lalzuiliana, General Secretary in report a pe a, Pu Joseph H.Lalthanzuala, President in thusawi na neiin Pu M.C Vanlalnghaka Fin. Secretary in Vote of thanks a pe.