1040/2022-2023
Aizawl, 24th June 2022: Aizawl Municipal Corporation (AMC) chuan vawiin khan Pu Lalrinenga Sailo, Aizawl Mayor hoin AMC Conference Hall-ah lei laih khuahkhirhna dan (AMC Site Development & Slope Modification (SD&SM) Regulations, 2017) chungchang zirhona leh hmalakna thlirletna an nei a, he hun hi Pu Zothanmawia, Municipal Commissioner in kaihruai in Pu Lalrinenga Sailo, Aizawl Mayor chuan thu a sawi bawk.

Mayor chuan leilaih khuahkhirh a pawimawh zia a sawi a, chutihrualin mipui tana zangkhai zawka hman tum a that thu a sawi a. A buaipuitu technical mi (Geologist, Engineer & Architect)-te pawhin mipui tana rawngbawl anni tih hriain mipui tana harsatna siamlo turin a chah bawk a ni.

He meeting-ah hian Aizawl khawpui a lei-laih avanga chhiatna thleng thin venna tur a AMC in dan a kenkawh AMC Site Development & Slope Modification (SD&SM) Regulations, 2017 kaihhnawih thil hrang hrang - Soil testing kalpui dan te, Site Verification neih dan chungchang te, lei laih hun chungchang te, leivung paih chungchang te leh thu pawimawh dang engemaw zat sawihoin tun aia tha zawka hmalak zel dan turte ngaihtuah ho a ni.

Meeting-ah hian AMC leh Geology & Mining Department official-te bakah Mizoram Civil Engineer Association aiawhte, Mizoram Architect Forum aiawhte leh Geological Society of Mizoram aiawhte an tel a ni.

Attachment

  • Loading attachment...