1041/2022-2023
Khawzawla, 24th June, 2022: Khawzawl District Bawrhsap Pu C.C. Lalchhuangkima chuan nimin chawhnu khan National Highway (NH) 6 siam mek, Khawzawl leh Tuichang inkara kawng laih leh leiminin chhiatna a thlente a hmunah tlawhin, company-te leivung paihnate a enfiah bawk a. Harsatna tawhte chinfel dan tur leh hmalak zel dan tur Company hotute a sawipui a ni.

Pu C.C. Lalchhuangkima chuan kawng laih hna thawktu company-te chu mipuite tana hlauhawm leh harsatna siam lo tura leivung paih tum turte leh mipuite dinhmun hrethiam turtein a chah a. Bawrhsap chuan kawng siamtute chu tha taka hnathawk tur leh, duhthusam lo laite pawh siam tha leh turin a hrilh bawk a ni.

Kawng siam lai enfiah a thawk chhuakte hi kawng siamtu company hotuten a hmunah lo dawngsawngin kawng siam mek hi an thlirho a. Mimal ram neitute harsatna thlen thenkhatte, leivung paihna hmunte enhovin ruahmanna neihte sawiho a ni.

District Bawrhsap hi Competent Authority for Land Acquisition (CALA) Pu Lalvenhima, Addl. DC, DC Office-a Officer dangte, Joint VC Khawzawl Chairman Pu Lalfakzuala bakah Sub Hqrs. YMA atangin President Pu K. Lalnunsanga leh Secretary Pu JH Vanlaltluanga ten an tawiawm a ni.