1042/2022-2023
Aizawl the 24th June, 2022 : Vawiin khan Mizoram chhunga Science pawl lian ber Mizo Academy of Sciences (MAS) chuan Silver Jubilee & 23rd General Body Meeting Cum Seminar on 'Natural Resources Management for Sustainable Development in Mizoram' chu Innovation Facility Centre, MINECO Aizawl ah an hmang a. He hun hi Dr. K. Pachhunga, MLA, leh Prof. F. Lalnunmawia, MLA te bakah Pu Lalnundanga, MZU Registrar ten an hmanpui.

Dr K. Pachhunga chuan Mizoramah leilung hausakna a tam thu leh mizo ten kan rama awmsa kan neihte hmanga kan intodelh theih dan te leh hmasawnna kawnga tan kan lak a pawimawh thu te a sawi a. Prof F. Lalnunmawia, MLA pawhin MAS lo indin tan tirh atanga hmalakna hrang hrang lo thawh tawh te a tangkai thu leh Mizoram tan a pawl pawimawh tak nizel tura a duhsakna a sawi.

Silver Jubilee denchhen hian MAS hruaitu hlui lo ni tawhte chawimawina hun hman a ni bawk a. Chawhnu lamah Seminar on 'Natural Resources Management for Sustainable Development in Mizoram' chu Dr. David C Vanlalfakawma hnen atangin ngaihthlak a ni a. Hei bakah hian Science subject atanga PhD hmu thar te leh National level exam hrang hrang (NET, GATE,GPAT) a hlawhtlingte hnenah lawmpuina hlan a ni bawk a ni.