78/2022-2023
Aizawl, the 7th April 2022: Kawngpuia veivak te kan him zawk nan a hnuaia tarlan ang hian Traffic Sr SP Pu Rodingliana Chawngthu chuan hriattirna a ti chhuak.

Aizawl khawpui chhung leh a chhehvela vantlang hmun leh kawngpuiah te lirthei, a bikin two wheeler intlansiak hriat tur a awm leh zeuh thin a. He thil hi lirthei khalhtu bakah kawngpui hmangtu midang te nunna atan a hlauhawm hle a ni.

Vantlang hmun leh kawngpuia lirthei intlansiak hi Dan phalloh a ni a. A ti lui an awm chuan The Motor Vehicles Act, 1988 Section 183, 184 leh 189 hmanga na taka hrem theih a ni. Dan phalloha intlansiak thinte pawh ti tawhlo turin kan inhriattir a, a tilui an awm anih chuan a chunga Dan tlawh chhan hmangin a na thei ang ber a hrem zel an ni ang.

Dan phalloha vantlang hmun leh kawngpuia intlansiakte lirthei number hria te chuan Aizawl Traffic Control Room No. 0389 2322307 leh 9366553559 ah hriattir zel turin an ngen a ni.