327/2025-2026

Aizawl, 25th April, 2025: Aizawl Municipal Corporation (AMC) chuan dan kalha kawng kama thil zuar thin te, hmun him zawka sawn hna a thawk mek a; a tah tawlin hmalak chhunzawm zel a ni dawn a ni.

He hmalakna hi Aizawl inrelbawlna a felfai zawk nan a hmalakna a ni a; mipuiten eitur tuihnai zawk kan lei theih nan te, kawng kama thilzuarte (street vendor) leh a dawrtute himna tur te, kawngpui tawt lutuk tihziaawmna tur te a ni a, chuvangin hmalakna hian Aizawl mipuite thlawp a hlawh hle nia hriat a ni.

Venghlui Local Council leh Tuikual South Local Council huamchhunga kawng kama thil zuara thu zawng zawngte chu AMC Multi-Complex Tuikual South ah an thutna hmun buatsaih sak vek an ni a. Chuvangin, Venghlui Local Council leh Tuikual South Local Council huamchhunga kawng kamah street vendor tumah thu lui tawh lo turin AMC chuan hriattirna a lo chhuah tawh a, heihi khauh taka kenkawh chhunzawm a ni dawn a ni.

AMC chuan kawng kama dan loa thil zuarte survey hna a thawk chhunzawm zel dawn a, April ni 26, 2025 (inrinni) hian Chanmari Local Council leh Khatla Local Council huamchhung survey a ni ang.