328/2025-2026
Siaha the 25th April 2025: Siaha District Disaster Management Authority Chairman Pu VL Hruaizela Khiangte, District Bawrhsap ni bawk chuan Fur pui lo thleng turah thli leh ruah laka mipui kan him zawk nan a hnuai tarlan ang hian thuchhuah a siam.
MIPUITE HNENA HRIATTIRNA
Fur pui kan lo thleng leh dawn ta a. Ruah sur, tek tla leh thli tleh avangin Mizoram hmun dangte rualin kan District pawhin harsatna (khuarel chhiatna) kan tawk thei a. Chuvangin, Siaha District mipuite fimkhur turin kan inchah a, chhiatna thleng palh thei laka kan inven nan a hnuaia inkaihhruainate hi zawm theuh turin kan inhriattir e:
1. Mahni in leh lo-te thli leh ruah dawl thei turin a tul anga thawm that ngai laite thawm that vek tur a ni.
2. Tui paihna leh tui luan kawrte tha taka siam tur a ni a, then fai ngaite chu tha taka then fai ni se.
3. Ruah sur avanga leimin thlen theihna laite hriat chiana fimkhur ni se.
Leimin thlen thinna veng/hmuna khawsate chuan inbuatsaihna tha tak neih lâwk tur a ni.
4. Ram lama kal chhuak thinte ruah sur hun lai leh tek tlak duh hun laiin an fimkhur zual sauh tur a ni a; lui kal leh ram riahte pawh insum rih tur a ni.
5. Thli leh ruah avanga eng (power supply) khaihlak chang pawha kan buai loh nan tul bik thila hman tur remchang dang lo inrin lawk tur a ni.
6. Tek tla laka kan him theih nan tek tlak theih hun laiin thing kung leh electric ban hnaihahte awm loh tur a ni.
7. Kan in leh a vela thing kung tlûk mai hlauhawmte chu a zar thlak lawk vek ni se, a zar thlak remlote chu kih/seng hawi mai ni se.
Chhiatna a lo thlena sawrkar tanpuina mamawh kan awm chuan Siaha District Emergency Operation Centre chu heng phone number kaltlang hian biak theih reng a ni e -
03835-222055/8119861722/9774478529/9612217758/1077-Toll Free.
