953/2026-2027

Aizawl, the 11TH June 2026 : Food Civil Supplies and Consumer Affairs changtu Minister Pu B. Lalchhanzova chu vawiin khan a pisa ah All Mizoram Cement & Rod Dealer Association (AMCRDA) hruaitute chuan an hmu a. Mizoram chhunga rod lakluh size diklo awm thin chungchang an sawipui.

AMCRDA hruaitute chuan hmun thenkhat atanga Mizoram chhunga rod lakluh te chuan an standard size a pha lo tih an finfiah a, an lo enchian tawhna ah 10mm tur 8.5mm te, 20mm tur 18.5mm te, 16mm tur 14mm a siam a tam thu sawiin, rod size tlinglo   hman  hian insak chu a chak tur leh ngheh tur ang a thlenpui zawhloh avangin mipui tan a him lo thu an thlen a. Rod standard size dik chauh lakluh dan ngaihtuahpui turin Minister an ngen a ni.

Minister Pu B. Lalchhanzova chuan standard size pha lo rod a awm ni a sawi chu pawi a tih thu tarlangin Mizo mipuite himna a khawih avangin he thu hi a lak thutak thu a sawi a. Lirnghing natna hmun- Seismic Zone V a awm kan nih avangin kan insak te chu mithiamte ruahman ang leh bungrua pawh chutiang mil ang hman chu a pawimawh thu a sawi a. AMCRDA hruaitute thu thlen bawhzui turin kawng hrang hrang a hmalak a tul thu sawiin Minister chuan Home Dept., Legal Metrology, PWD, YMA te leh NGO dangte nen pawha thawk hoa hmalak dan ngaihtuah a tul thu a sawiin, Minister chuan a rang lama meeting lian zawk koh thuai a tum thu AMCRDA hruaitute a hrilh a.  Rod diklo te hi finfiahna nen a dik lohna pholan a mipui hmuha tlangzarh a tul thu a sawi a bawk a ni.