952/2026-2027 

Saitual the 11th June, 2026 : Vawiin khan District Hub for Empowerment Of Women(DHEW),Women and Child Development hnuaiah District Level Implementing Committee on Mission Shakti chu Chairperson leh DC ni bawk Pu Srinivas Sadi, IAS kaihhruainain meeting neih a ni a, he meeting ah hian Pu V Lalhmingliana, Child Development Project Officer, i/c District Programme Officer & Convener, DLIC(Mission Shakti) chuan an hmalakna tlangpuite PPT hmangin report a pe a, zawhna awm theite bakah sawifiahnate neihzui a ni bawk.

Chairperson leh DC ni bawk Pu Srinivas Sadi chuan kalkhawmte hnenah lawmthu sawiin line department hrang hrangte nena thawhhona chungchangah hlawk zawka thawka theihtawp chuan thar turin a sawm a, mahni zawn theuh bakah chak taka hna thawh a nih theih nan thawhhona tha a pawimawh zia a sawi bawk.

Vawiin meeting ah hian Mission Shakti, Saitual tana Annual Action Plan (2026-2027)budget thlirho a ni a, heng bakah hian Saitual District tana sum leh pai leh a ataka tihhlawhtlin tawhte, PMMVY hnuaia hamthatna pek chhuah tawh dante, department dangte nena thawhho dan hrang hrangte bakah Mission Shakti hnuaia case hrang hrang awmte chu thlirho niin harsatna leh rawtna an neihte bawrhsap hnenah an thlen bawk a ni.

Meeting ah hian Pu Tharun Patnaik Madala, SDO(S), Pi Mary L Rodinpuii, EO & Chairperson, ICC, DC Saitual, Pu R Vanlalfaka, SDC, Pu Laldingliana, District Education Officer ,Pu V Lalhmingliana, CDPO, Mission Shakti, Pi Mary Malsawmkimi, DMC, WCD te bakah line department-te an kal tha hle a, biakhlatna hmangin line department thenkhat an tel thei bawk.