No.5561/2020-2021

Vawiin ni 29 September, 2020 khan K.Remruatfela lehkhabu ziah - Amity zin kawng bumboh chu Sports Minister Pu Robert Romawia Royte-in a Office Chamber-ah a tlangzarh.

Pu Robert Romawia Royte chuan lehkhabu a tlangzarh paha thu sawiin, tunlai khawvelah hriatna hnar (sources) a tam em em a, mi tam takin source fuhlo atangin thil an hria a, chu chuan a hruaibo fo a ni. Lehkhabu hi hriatna hnar pawimawh berte zinga mi a ni a, kei ka ngaihlu hle a ni. Tam takin lehkhabu chhiar kan peih lo a, Social media atanga hriatna lak phei chu fimkhur thiam a ngai hle. Khawvel media chak tak karah, a bikin kan thalaiten lehkha ziak leh chhiar kawngah tan kan lak thar a tul tak zet a ni a ti. Kan vei lama mobile handset hum chungin kan kut ding lamin lehkhabu tha chhiar tur kan vawn tlat a pawimawh a ni a ti.

Kawng bumboh zawh ve tawhah ka inngaia, min tihuaisentu leh inrintawkna min petu a ni. He lehkhabu pawh hi mi tam takin chhiarin chhawr tangkai ngei se ka duh takzet a ni.
Lehkhabu tlangzarh tak ziaktu K.Remruatfela hi Upa KL. Chhuanvawra leh C.Biakmawii te fa tlum ber niin thuziak lama tui tak a ni a, lehkhabu 14 lai lo ziak tawhin tuna mi hi a bu 15 ziahna a ni.

Guwahati High Court, Aizawl Bench hnuaia District Court-ah Advocate hnathawk mek niin, zirna lamah MA (Public Administration), LL.M (Corporate Law) a ni a. Dan Hriatna Legal Journal-ah Editor ni mek a ni.

He lehkhabu tlangzarh inkhawm hi Pu V.Lalnunthara, President, Foundation for Drug-free Mizoramin a kaihruai a, Pi R.Zomuanpuii, AMC Councillor-in kamkeuna neiin, Pu Lalzarzova Khiangte, Grammarian-in thlir lawkna hun a hmang a. A bu ziaktuin lawmthu sawiin, Revd Prof. H.Vanlalruata, ATC, Durtlangin lekhabu hlanna hun a hmang a ni.