1181/2026-2027

Aizawl the 25th June, 2026: Vawiin khan Vanapa Hall-ah Rural Development & Administration Department Minister Prof. Lalnilawma hovin All Mizoram MGNREGA Staff Federation General Assembly Vawi 4-na neih a ni.

Khuallian Prof. Lalnilawma chuan VB-G RAM G chu July thla atanga hman tan tur a nih avangin, Mizoram puma MGNREGA staff te inpekna thar nen thahnemngai taka thawk turin a fuih a. VB-G RAM G in a tum angin, kum 2047 ah India ram chu kawng engkimah ram hmasawn a nih theihna turin, thingtlang khua ah pawh tun atanga kum 20 hnuah chuan hmasawnna tluantling a awm theihna turin an theihna zawn theuhah hma la tlang zel turin kalkhawm te a sawm a ni.

AMMSAF ah hian Mizoram pumah Sub-Hqtrs. 11 awmin, member 900 dawn an awm a, General Assembly ah hian mi 600 chuang an kal khawm a ni. Chawhnu lamah Rorel Inkhawm leh Hruaitu thar thlanna an nei nghal a ni.

AMMSAF General Assembly hi Pu V. Lalengmawia, Addl. Secretary RD&AD leh Pu K. Lalrohlua, Director, Rural Development ten an hmanpui bawk a ni.