1182/2026-2027 

Dated Saitual the 25th June 2026: Vawiin khan MzSRLM, RD & A Department, Phullen R.D Block huaihawtin Govt National High School, Phullen leh Phullen Senior Secondary School (Samagra Siksha)-ah ruihhlo dona beihpui Nasha Mukt Bharat Abhiyan Campaign neih niin he programme hi Pu F.Lalmuanzuala, Principal, Phullen Senior Secondary School chuan a kaihruai a ni.

Pu J.Lalhmahruaia, BDO, Phullen RD & A Block chuan he hun hi hmanpuiin thu a sawi a, NMBA campaign in a tum ber chu ruihhlo demand & supply reduction a nih thu sawiin zirlaite chu ruihhlo ti chhin lo turin a fuih a, ruihhlo tih chhin tawh chuan chhuah leh a har tawh a, Pathianin mihringte  chu chhungkua, ram leh khawtlang tana ban pui rintlak ni turin min din a ni, a ti. Mizoram-ah ruihhlo a hluar em em a, hei hi a tih rehna pawimawh tak pakhat chu thalai ten ruihhlo tih duhlohna thinlung an put a, supply awm lo tura demand siam loh chu a kawng a ni tiin ram leh hnam chhan nan ruihhlo do mai bakah zirlai ten tha taka lehkha zir a, mi hlawhtling tak nih tum turin a fuih nghal bawk a ni.