1183/2026-2027 

Dated Khawzawl, the 25^th June, 2026 : Vawiin khan Nasha Mukt Bharat Saptah kharna leh ‘International Day Against Drug Abuse And Illicit Trafficking’ pualin Khawzawl DC Conference Hall-ah zirlai naupangte nen hun hman a ni a. He hun hi Khawzawl Bawrhsap Pu K. Vanlalthiana’n khuallian niin a hmanpui a, Addl DC Pu K. Zorammuana’n a kaihruai. 

Bawrhsap Pu K. Vanlalthiana chuan International Day Against Drug Abuse And Illicit Trafficking June 26-a kan hmanna chhan chu Opium War hriatrengna atan a nih thu a sawi a. Ruihhlo avanga harsatna tawkte chu khawvela tanpui ngaite zinga tanpui ngai ber pawl an nih thu sawiin, kalkhawmte chu ruihhlo ngaiten nunkawng tha zawk an zawh theih nan an finna leh thiamna te hmang turin a fuih a. Thil ropui tak kan tihsak theih loh pawhin ruihhlo ngaite enhranga diriam mai lovin tawngkam tha leh fuihna thu tawite pawhin a chhanchhuak thei a ni, a ti a. Thalai tamtak ruihhlo bawiha tang, chhanchhuah theiha inngai tawh lo, mi zinga nungtlak pawha inngai tawh lo, khawhar leh beidawng taka hun hmang mekte tan anmahni fuihna thu tha tlawmte tal vawiinah hian thawn theuh turin kalkhawmte a sawm a. Vawiina zirlai duhawm tak takte hian kan ram, kan hnam leh kan district ruihhlo laka kan filhim theih nan an hun, an thiamna leh finna te hmang turin a fuih.

Vawiin hunah hian SP Pu F. Lalbiakzauva’n Khawzawla ruihhlo man dan report a pe a. Kumin June 25 thleng khan Heroin 665.87 grams, Rs. 1,70,00,000 man hu, Meth 1.972 kgs, Rs. 12,67,36,000 man hu leh BEDC 1352.5 litres, Rs. 10,09,125 man hu man a ni tawh a. Mizoramah kum 1984 atanga June 12, 2026 thleng khan ruihhlo vangin kum 14-57 inkar mi 2017-in nunna an chan tawh a, kumin June 12 thleng khan mi 20 in nunna an chan tawh tih a tarlang bawk a. SDC Pi Lalthanpari’n Khawzawlah Nasha Mukt Bharat Saptah  Hman dan leh NMBA Committee hmalakna hrang hrang report a pe a. SDO Pu Chandrakant Bagoria'an Mizo tawngin lawmthu sawiin hun a khar.

‘International Day Against Drug Abuse And Illicit Trafficking’ hi UN General Assembly December 7, 1987 a rel a nih angin kum 1989 atang khan June 26-ah khawvel puma drugs hmansual leh drugs hmanga sumdawnna dona ni atan hman tan a ni a. June 26 hi sawrkar chawlh a nih avangin vawiin June 25 hian hun hman a ni.

Vawiin ruihhlo hmansual leh a tawlhruk dona niah hian ruihhlo ti lo tura intiamna pledge lak niin, signature campaign neih a ni bawk a. Ruihhlo do lam hawi Hlado Chham intihsiakna neih a ni a, judge-ah Pu VL. Daniela, Sub-Hqrs YMA leh Pu Lalrinkima, Sub-Hqrs YMA te ruat an ni.

Nasha Mukt Bharat Saptah chhunga intihsiakna buatsaiha lawmman dawngtute chu a hnuaiah tarlan an ni.

On the Spot Painting Competition on Ruihhlo Do (for High School & Higher Secondary School) lawmman dawng tute:

Consolation Prize:

1. Lalduatsanga, Govt. Model HS, Cl – IX, Roll No - 22
2. Lalruatfela, Khawzawl Senior Secondary School (SS), Cl – XII, Roll No - 6
3. Felicity Lalrindiki, Grace Foundation School, Cl – IX, Roll No – 4

 3^rd Prize : K. Lalhmangaihsangi, Govt. Khawzawl HSS, Cl – XII, Sec – A, R - 21

2^nd Prize : Lalthlamuanpuia, Govt. Khawzawl HSS, Cl – XI, Sec – B, R - 57

1^st Prize : H. Lalchhantluanga, Govt. Model HS, Cl – X, R - 19

Hlado Chham on Ruihhlo Do Competition lawmman dawng tute:

Consolation Prize:

1. B. Lalramsanga, Cl-XII, Sec-A Roll No - 31
2. Zosangpuia, Cl-XII, Sec-B, Roll No - 57

3^rd Prize : Lianthangpuia, Cl-XII, Sec-B, Roll No – 37

2^nd Prize : Solomon Lalmalsawma, Cl-XII, Sec-B, Roll No – 48

1^st Prize : Vanlalzarzoliana Pachuau, Cl-XII, Sec-B, Roll No - 53