DIRECTORATE OF INFORMATION & PUBLIC RELATIONS, Government of Mizoram, India

Vawiin chawhma dar 11:00Am khan I&PR Conference Hall, Council Vaih Siaha-ah ICDS Project leh Beti Bachao Beti Padhao, Siaha District te bultumin “Capacity Building for Anganwadi Workers & Helpers under Siaha ICDS Project” tih thupui ah hmangin Siaha ICDS Project hnuaia Anganwadi Worker leh Helper te dinhmun zirchianna leh inzirtirna hun hman a ni.

Vawiin Anganwadi Worker leh Helper te dinhmun zirchianna leh inzirtirna hun hi Pi Hepaw Hlychho, Circle Officer, ICDS Project, Siaha chuan a kaihruai a, vawiin hun pawimawh tak hmanpuitu Pu Liandawla, CDPO, Siaha chuan ‘Importance of AWWs, Role of AWWs & Helpers’ tih thupui hmangin thu sawina a nei a. Anganwadi Worker leh Helper te chu missionary hna inthawk a ni tiin, in hnathawh hi hahthlak hle mahse a zahawmin a ropui hle a ni, a ti a. Lal Isua ringtute tihawm tak a ni tiin, vawiina in thil tih hian nakinah rah tha tak a la chhuah ngei ka ring tlat a ni, a ti. Sawi chhunzawmin Pu Liandawla chuan, Sawrkar laipui ina a ngaih pawimawh em em heng BBBP te, Swachh Bharat Mission te leh Open Defecation Free (ODF) hmalakna tihhlawhtlingtu nih tum theuh turin a chah hlawm bakah, naupangte hnenah pawh hetiang lama zirtirna uar zawka kalpui turin leh midangte beng tihvartu nih tum theuh turin Anganwadi Worker leh Helper te chu a chah hlawm a ni.

Pi Lalhmachhuani Sailo, P.O. chuan ‘Child Rights related to Girls’ tih thupui ah hmangin vawiina kalkhawmte chu zirtirna a pe a. Pi Hepaw Hlychho, C.O. pawhin ‘Beti Bachao Beti Padhao’ tih thupui ah hmangin hmeichhiate dinhmun pawimawhna leh Dan ina hmeichhiate a humhalh tlat dante, hmeichhe naupang enkawl kawnga tan lak a pawimawh ziahte sawi langin, Dan hnuaiah chuan hmeichhiate hi mipate nen angkhat reng kan ni tiin, hmeichhiate hi mipate enkawl puitlingtu kan ni a, Pathian ina hmeichhia a min siam hi ropui ka ti hle a ni tiin, min siam ang ngei a a hna thawh hi ka mawhphurna a ni, a ti bawk. Pi F. Hmingthankimi, Co-Ordinator, ECCE pawhin ‘ECCE kalphung leh Anganwadi Centre a kalpui dantur’ tih thupui hmangin thu sawina hun a hmang bawk a ni.

Vawiin Programme-ah hian ICDS Project, Siaha hnuaia Anganwadi Worker leh Helper hnathawk tha thlanchhuahte hnenah lawmman sem nghal niin, pakhatna ah Pi Vannunpari, New Siaha-E-III, pahnihna ah Pi Lalhlimpuii, Meisatla-II leh pathumna ah Pi Vanlalruati, College vaih-II te an ni.

Vawiin programme-ah hian ICDS Project, Siaha hnuaia Anganwadi Worker leh Helper te an tel kim hle a ni.

Attachment