Vawiin hian District A.H & Vety Department, Serchhip leh NEIDA tangkawp chuan vawk hri leng PRRS leh Swine Fever chungchang inzirtirna leh Animal Health Camp New Serchhip YMA Hall-ah an buatsaih.

He programme hi hun hnihah then niin, a thawh khatna hi Dr. R. Lalmakthanga, Chief Veterinary Officer, Serchhip chuan a kaihhruai a. Resource person Dr. James Lalthansanga, Programme Officer, NEIDA, Dr. Nancy Laldinpuii, Senior Project Associate, NEIDA leh Dr. H. Vanlalrawna, Veterinary Officer Vawk natna PRRS leh Classical Swine Fever chung zirtirna an pe a, Vawk enkawl dan, in sak dan leh hri leng laka venhim dan leh enkawl dan te mipuite an zirtir bawk a ni.

Hun hnihna ah a thlawna ran entirna neih niin ran 347 chuang zet enkawl an nih bakah ran damdawi chi hrang hrang a thlawna pek an ni a, Animal Helath Camp hi mipuiin an hlut hle a ni.