Mihring piang leh thi chhinchhiaha vawngtute tan vawiin khan Conference Hall, Directorate of Economics & Statistics, New Secretariat Complex ah neih tan a ni a, vawiin khan Aizawl District (AMC huam pawnlam) puala neih niin naktukah AMC huam chinte tan training hi neih chhunzawm tur a ni. 

Compulsory Registration of Births & Deaths hi Mizoramah 1.7.1985 atanga hman tan a ni a. Registration of Births & Deaths Act, 1969 Section(30)(l) in aphut angin The Mizoram Registration of Births & Deaths Rules, 1978,2007 te siam a ni a. Tin, The Mizoram Registration of Births & Deaths( Amendment) Rules 2015 chu siam lehin hemi ang hian ni 15.9.2015 atangin hna thawh a ni. 

Hierarchy of Funtioneries : 

Registration of Births & Deaths Act 1969, Section 4(1 )(2), section 6(1 )(2) leh Section(l) te sawi angin a hnuai amite hi Official Gazette-a Notification chhuahin registration of births & deaths-a mawhphurhna la tura ruat an ni. 

1. Chief Registrar

Secretary, Planning & Programme Implementation Department, Government of Mizoram.

2. Addl. Chief Registrar

Director, Economics & Statistics Department.

3. Jt. Chief Registrar

Director, Census Operations, Mizoram.

4. District Registrar

Dy. Commissioner of each district.

5. Dy.Chief Registrar

Dy. Director & Research Officer of Registration of Births & Deaths, Dte. of Economics & Statistics.

6. Asst.Dist.Registrar

District Research Officer of District Offices

7. Addl. Dist. Registrar

District Education Officer of each district.

8. Registrars

Primary / Middle School / H/S Teachers.

Registration of Births & Deaths hi department hrang hrang mi leh sa ten thawh a ni a, a khaikhawmtu (Nodal Department) a-tan Economics & Statistics Department chu ruat a ni. Tin, District-ah chuan Astt. District Registrars of Births & Deaths leh Registrars of Births & Deaths ten an enkawl a ni. 

Tunah hian Mizoram pumah unit 847 awmin Aizawl District bikah unit 104 a awm a, AMC-ah 99 a awm a ni. Aizawl Municipal Corporation hian khawpui chhung a unit 99 te chu 1st August, 2016 atangin an enkawl tan a ni. 

He scheme in a tum ber chuIndiarama piang leh thi zawng zawng chhinchhiah hi a ni. Piang emaw thi emaw Registrar te hnena report hi an chhungte tih ngei ngei tur niin chhinchhiah tawhte chuan Birth Certificate leh Death Certificate ni 21 chhungin engmah chawi lovin an la thei a. Chuvangin pian emaw thih emaw atanga ni 21 chhunga in register hi a pawimawh tak zet a. Ni tiam ral hnu hi chuan late fee te chawi a ngai tawh thin a ni. 

Registrars of Births & Deaths te hi kumtin anmahni District Headquarter-ah theuh ko khawmin training pek thin an ni. 

Pian emaw thih emaw India/ Mizoram chhunga thleng lo chhinchhiah avanginIndia/ Mizoram mi anni tihna a ni lova, Certificate-ah Permanent Address ziahlan niin Mizoramah an piang e tihna mai ani.