Vawiin khan NIB/ I&PR Media Cell hmalakna in Mizoram Journalist Association (MJA) member te chuan Aizawl hmun hrang hranga PWD in kawngpui siamthat leh cheithat hna an thawh mekte a hmunah an tlawh a. NIB/I&PR Media Cell Chief Media Officer Pu David L Thangliana hova MJA Member ten hmun hrang hrang an tlawhna ah hian PWD hotute chuan Vanapa Hall hnuaia kawng siam mek chu thawhtanni atanga hawn anih tur thu an sawi. He kawng hi PCC Concrete a siam niin cheng nuai thum a siamna atan hian hman a ni.

MJA member te hian Republic Veng leh Venghlun in rinna Pangi peng pawh an tlawh a, he peng hi siamthat anih dawn avangin November ni 30 atanga December ni 5 thleng khar ani dawn ani. Pangi peng kawng zauhna hi NEDP ruahmanna hnuaia mi niin,hnathawhna atana hman tur sum pawh hi NEDP atanga pek a ni.NEDP ruahmanna hnuai thova ah hian PWD hotute chuan kum thar January ni 3 atangin Millenium Centre panna kawng siam that ani dawn tih an sawi. Hei bakah hian Upper Republic Presbyterian Biak In atanga Holy Heart School panna kawngpui siam mek leh Secretariat Complex a 1.3km thui kawngpui siam mek an tlawh bawk a ni.