364/2026-2027

Aizawl, 3 May 2026: Artist Ṭanpuia chuan a Solo Painting Exhibition vawi 13-na chu vawiin khan Aizawl Art Gallery, MUP Building (2nd Basement), Upper Khatla-ah a buatsaih a, I&PR Director Pi K. Vanlalsangi’n a hawng a ni.

Pi K. Vanlalsangi chuan Pu Ṭanpuia’n art lama a hmalakna leh a hnathawh pawimawhzia a sawi a, art chu kan hnam nun leh khawtlang nun entirna pawimawh tak a nih thu a sawi. Pi K. Vanlalsangi chuan Pu Ṭanpuia chu Mizoram pawna solo painting exhibition buatsaih thei awmchhun a ni tiin, chhuanawm a tih thu a sawi a .I&PR leh Mizoram Art Development Society(MADS) te thawh dunna chu lawmawm a tih thu leh vawi 13 lai mimala exhibition a buatsaih thei chu  chhuanawm a tih thu a sawi bawk.

Pu Ṭanpuia hian kum 1999 atangin solo exhibition vawi engemawzat nei tawhin, Aizawl bakah Bangalore leh Kolkata-ah te pawh a buatsaih tawh a. A hnathawhte hi group show leh workshop hrang hrangah te pholangin, a painting-te hi Mizoram chhung leh ram pawn thlengin collection-ah dah an ni bawk.

Exhibition hi May ni 4 atanga May ni 9, 2026 chhungin zing dar 10:00 atanga tlai dar 5:30 thlenga tlawh theih tura hawn a ni a. He programme hi I&PR Department leh MADS ten an tum (funded) a ni.