Ni thum awh Anthurium festival chu vawiin khan a ni tawp ber Reiek Tourist Resort-ah hman a ni. He Kut hi Tourism Director Pu Vabeiha Hlychho chuan kaihruaiin, Tourism Minister Pu S. Hiato leh Tourism Parliamentary Secretary te aiawhin mipuite chu chibai a buk bawk a ni. He hun hi Parliamentary Secretary Pu Lalrinmawia Ralte, Additional Chief Secretary Pi M. Sathyavathy, Finance Commissioner Pu Van Hela Pachuau leh Commissioner dangten an hmanpui a ni.

Additional Chief Secretary Pi M. Sathyavathy chuan Anthurium Festival-in mipui leh khualzin tam tak a hip chho zel chu lawmawm a tih thu a sawi a. Tourism chu Mizoramin ei leh bara hma a sawn chak theihna kawng pawimawh tak a ni tih sawiin, Anthurium Festival chu chhunzawm zel ni se a tih bakah, khualzin tam zawk hip nan Adventure Tourism lamah pawh hma lak zel ni se a ti bawk a ni.

Anthurium Festival hi Mizoramin khualzin tam zawk a hip theih nan Tourism Department kaltlanga Sorkar laipui bultumin kum 2006 atang khan kum tin hman thin a ni.