Nimin chawhma leh chawhnu khan Champhai Venglai Community Hall-ah AH & Vety Deptt. hnuaia NLUP 3rd & 4th Phase 1st installment sem a ni a, chawhma lam hian Champhai I huam chhung - Vengsang, Kahrawt Vengthlang, Vengthlang N, Zote, Ngur, N Khawbung, Hmunhmeltha, Electric, Kanan Veng te hnenah sem a ni a, chawhnu lamah Champhai II - Tuipui, Dinthar, Zotlang, Bethel, Venglai, Chhungte, New Champhai, Tlangsam, Ruantlang, Vengthar, Zion Veng tan te a sem leh a ni. He hnuah hian Champhai South bialtu, Minister ni bawk Pu J.H Rothuama chu khuallian niin, MLA Pu T.T Zothansanga chu khualzahawm a ni.

Khuallian Pu J.H Rothuama chuan hetianga NLUP tanpuina sem nghak a mipui kalkhawm hi khawvel history-ah a la awm ngai loh thu sawiin, NLUP Monitoring Cell te pawh tanpuina pawisa dawng te hian a nihna dik taka an hman leh hman loh enfiah zui turin a chah bawk a ni.

NLUP semna inkhawm kaihhruaitu AH & Vety Dept. DVO Pu Laltlanmawia NLUP lo sem tawh dan tlangpui tarlangin, 1st Phase-ah khan mi 1962 hnenah pek an lo tawh a, 2nd phase-ah khan mi 2022 hnenah 1st leh 2nd istallment pawh pek a ni tawh a, tunah hian 3rd-ah mi 1534 leh 4th-ah mi 776 tan, an vaiin mi 2310 tana pek anih tur thu a sawi a ni.