Vawiin chawhma dar 11:00Am khan DC’s Conference Hall, Siaha-ah Superintendent of Police, Siaha District bultumin ‘Anti-Drugs and Role & Functions of VDP’ tih thupui hmangin Awareness Campaign neih a ni.

He Awareness Campaign hmanna-ah hian Pu Shank Dhar Mishra IPS, Superintendent of Police, Siaha chuan inkhawm kaihruaiin Pu Francis Lalnuntluanga Ralte MPS, Additional Superintendent of Police chuan Siaha District ah hian VDP dinna khua/veng 62-ah a awm a, mumal taka kalpui erawh chu tlemte an ni tiin, Police te hi kan indaihlo em em a, harsatna hrang hrang laka Police te tanpuitu tur Village Difense Party Siaha District-ah dinthar leh a ni tur thu a sawi. Mizoram Police Act, 2011 hnuaia VDP te hnathawh tlangpui leh hemi chungchanga hriattur pawimawh hrang hrang heng - (i) Members of Village Defense Party (Section-50) te (ii) Terms of Village Defense Party (Section-51) te (iii) Removal of Member of Village Defense Party (Section-52) te (iv)Complaint Against Village Defense Party (Section-53) te (v) Day to Day Needs of Village Defense Party (Section-54) te (vi) Identification Badge (Section-55) te leh (vii) Return of Badge (Section-56) te tlawhchhanin kalkhawmte zirtirna a pe bawk a ni.

Pi P. Chaki, President, M.CH.P. (Hqrs) pawhin thu sawiin kan thalaite hi Silai leh Bomb lakah nih lovin Ruihlo vang zawk hian kan thalai tam takin nunna an lo chan tawh a, hemi kawngah hian NGO’s ang pawhin nasa takin hma kan la ve thin a, mahse Police te tello chuan a hlawhtling tak tak theiloh a ni tiin Police te chu mipuite innghahna in nih a, hetianga VDP muhilh tawh kaithawhna chang in hria hi ka lawm em em a, a tul hun a piangah M.CH.P. chuan tanpui tur che u in kan in peih reng a ni a ti bawk. MTP(Hqrs), Siaha Group YMA, MHIP Sub-Hqrs, Joint VC leh ECM Hqrs aiawhten thu sawina hun tawi an hmang theuh bawk a ni.

Pu Beimosia Lapi, Dy.SP (Proby) chuan lawmthu sawina hun hmangin he inkhawm hi a ti tawp a ni.