Rajya Sabha MP Pu Ronald Sapa kaihhruaina in vawiin khan Aijal Club Conference Hall-ah meeting pawimawh tak District Development Co-Ordination & Monitoring Committee to Monitor Rural Development Programmes, Aizawl District neih a ni.

DRDA bultuma buatsaih vawiin meeting ah hian Co Chairman Pu Ronald Sapa chuan tun hma a District Vigillance and Monitoring Committee ( DV & MC ) Aizawl District tih thin chu District Development Coordination and Monitoring Committee ( DDCMC) tia vuah anih tawh thu leh chu chu tuna chinah chuan DISHA tia koh leh hriat a nih tawh tur thu a sawifiah a. Tun hi DDCMC anga meeting an neih vawikhatna a nih thu leh Aizawl District pumpui huama hmasawnna tur leh hmalakna chungchang thu rel ngai a niin a pawimawh hle a, chuvang chuan quarter tin in vawikhat tal meeting neih ziah tum anih thu a sawi a. Rilru sukthlek neih that leh thiam a ngaih avangin member ten hmasawnna hring chhuak ngei tura ngaihtuahna hmang thiam tur in a sawm nghal bawk a ni.

Member kalte zing atangin Finance Minister Pu Lalsawta, Aizawl East II MLA nibawk chuan Sorkar-in nasa taka hma a lakpui lai leh hmanraw changkang tak tak te hman anih tawh laiin hmasawnna a bikin Industrial Development ah hmuh tur a la tam lo hle a ni tiin, tunhma pi pute hun laiah an huntawng ang zela an hlawhtlinna an hmingah an lo chawichhan tawh ang kha tunlai remchanna leh awlsamna tam zawk tawhna ah hian nasa zawka khumna leh lehpelhna sawi tur awm tam thei se a duh thu a sawi a. Heng Tui, kawng, huanthlai leh a dang dang ah te hian hmasawn nise, chu chuan intodelhna tam tak a hrin chhuah a beisei thu a sawi.

Aizawl District chhunga MLA dang dangte pawhin vawiin meeting ah hian thu an sawi a, DDCMC hnuaia hmalak na kalmek Agenda pawimawh tak tak points 28 lai vawiin hian sawiho a ni. Member te zingah District Bawrhsap, Aizawl District chhunga Minister leh MLA thenkhat te bakah hemi kaihhnawih Department hrang hranga hotu leh NGO hruaitu leh Village Council hruaitu aiawh te an tel kim hle.