Vawiin chawhnu khan UD&PA Minister Pu Zodintluanga hovin a office ah UD&PA, NIC leh ICT official te chuan UD&PA Secretariat leh Directorate te e-Office anga office hna thawk tura hmalakna kalpui mek chungchang an sawiho.

UD&PA Minister Pu Zodintluanga chuan Meeting a rawn tel, official te chu an hmalakna leh an thlenchin bakah an harsatna te zawt in kum in November thlatir ah UD&PA Office chuan e-Office project hlawhtlinna hmu thei tawh se a duh thu a sawi a. Sawrkar duhthusam anga Lehkhapuan tellova office hnathawh chu tihpuitlin theih nia a hriat thu a sawi a; hemi kawngah hian UD&PA Department chu hmahruaitu ni turin ICT leh NIC te nen lungrual takin an thawk tlang mek a ni a ti.

E-Office Project chungchanga hna kalpui dan leh thlen chin te chu UD&PA, ICT leh NIC official te hnen atang in ngaihthlak a ni a. Report in a tarlan dan chuan UD&PA official te tan e-mail siamsak an ni tawh a, internet hmanga UD&PA Directorate leh UD&PA Secretariat thlunzawm hna pawh a rang lama thawh tum a ni.