Vawin khan DC office tual, atanga Diakkawn square inkarah UD&PA Department bultumin  School zirlaite nen plastic that loh zia leh hman tlem a ngai zia chungchanga mipui te hriattirna lehkha a thuziak te keng a au rualin Anti Plastic Rally (Kawngzawhna) neih a ni. 

UD&PA lama atanga thusawitu Pi Lalmuanpuii chuan kalkhawm te hmaah,  “Plastic hi thil tangkai leh awlsam, zang leh tlawm tak hman awlsam tak a nih a ni a, Hemi a nih avang hian kan hmang tangkaiin kan hmang uar em em a , a tawih theih loh avangin leh a tawih har em avangin mihring leh ran, thlai leh leilung tan a that lohthu sawiin heng polythene bag te, dispo no leh thleng te, thermocol atanga siam te hi, a lova kan awm theih a nih avangin hman loh dan kawng zawng  tur in kalkhawm te a sawm a ni.”

He hun hman chhan hi Anti plastic rally chu kan Prime Minister zahawm takin Kumin Independence Day-a a thuchah, "2nd October, 2019 atang hian India ram mipui ten Single use plastics hman tawh loh ni se" tih bawhzuina ni in, he mi hunah hian School naupang thahnem tak an kal khawm a ni.