India ram hmun dangte rualin vawiin chawhma dar 11.00 khan Mizoram sorkar hnuaia department hrang hrang ten Anti Terrorism Day an hmang. He ni hi Prime Minster hlui Rajiv Gandhi thih ni champhaphak denchhenin kum tin hman thin a ni.

Secretariat ah chuan GAD Secretary Pu Lalrinliana Fanai kaihhruaina in Secretariat kawt zawlah anti terrorism day thutiam chham a ni a. I&PR Department chuan Director Pu Jim K Chozah hovin a pisaah Directorate staff-te’n thutiam an chham a. Mizoram Legislative Assembly a thawk te pawhin an Secretary Pu Ngurthanzuala kaihhruaiin thawktu zawng zawng te’n an hmang a ni.