Vawiin khan DC Conference Hall-ah, District Bawrhsap Pi Lalbiaksangi hovin Mamit District chhunga vaihlo do dan leh Anti-tobacco day puala hun hmandan tur sawiho a ni.

Anti-tobacco day hi May 31,2016 I&PR Conference Hall,Mamit-ah hman tura ruahman a ni a, Addl.DC Pu H Lianzela chu khuallian tura ruat a ni. Hemi ni hian Mamit school zinga "Tobacco Free School" a puan Govt.Middle School-II, Field Veng, Govt.Middle School -III,Dinthar leh Agape Middle School,Luangpawl te hnenah citation pek nghal an ni ang. Heng school pathum te hi an school leh a chheh vel a vaihlo zawrhna leh tihna hmun awmlo te an ni. Hemi ni pual hian office tinah vaihlo do na thutiam lak a ni anga, function neihnaah hian lak a ni bawk ang.

Mamit a Anti-Tobacco Squad te'n kumin kal lai mek ah hian squad drive vawi ruk(6) neih tawh niin, mi 42 man an ni a pawisa chawi tir an ni.“Vaihlo do hmalakna zelah School 9 tlawh tawh niin, heng school ah hian Anti-tobacco club din nghal zel a ni.

Vawiin meeting zawh hian District Bawrhsap Pi Lalbiaksangi hovin Squad drive DC office leh a chhehvelah neih nghal a ni a, dan bawhchhia man an awmlo a ni.