Vawiin khan Aizawl District Anti-Tobacco Squad te chuan vaihlo leh a kaihhnawih leh secondhand smoke lakah mipuite kan fihlim zel theih nan Office pariat (8) an endik a, department tam zawkin tha takin COTPA dan an zawm tawh laiin Office thenkhatah erawh chuan hmasawn a la ngai hle tih an hmu a. Dan phal lohna/puipunna hmuna mei zu mi 9 lai an man in dan bawhchhetute hi dan in a phut angin fine tir an ni.

Public transport (Taxi, Bus, maxi cab, etc)-ah COTPA dan (vaihlo khapna dan) bawhchhia an awm a mipuite'n awlsam taka an complaint theihna turin Aizawl Traffic Control Room Ph : 0389-2322307 chu ruahman a ni thar a ni bawk.

Vawiin vek khan Serchhip District Anti Tobacco Squad te chuan Khawlailung, Chekawn, Mualcheng leh East Lungdar khua ah te Anti-tobacco squad drive neiin Office, School hrang hrang leh dawrte an tlawh kual a. COTPA dan (vaihlo leh a kaihhnawih khuahkhirhna dan) chungchang in hrilh hriatna hun nei in signage/sticker te a tul angin an tar tir nghal bawk a ni.