Vawiin nkhan DC Dr Franklin Laltinkhuma IAS hoin Anti tobacco Squad Aizawl District meeting neih a ni, meeting-ah hian member te an kal tha hle a, Squad hmalak tawh na hrang hrangte thlir ho a ni a.

Mizoram pum ah puipunna hmun a meizu Mi 3189 man niin Rs 92,219/- chawitir an ni.Tin, Cigarette vaukhanna thu ( Pictorial health warning) tel lo va zawrh te 586 packet man a ni tawh bawk a, Aizawl District bikah kumin chhungin Squad drive vawi 7 neih a ni a. Mi 82 man an ni a, Rs. 6720 chawitir an ni. Squad meeting-ah hian Mizo mipuite puipunna hmunah pawh meizu an tlem tawh thu tarlan a ni.

Tobacco Product Vaihlo atang thil siam chhuah reng rengah vaukhanna thu ( Pictorial health warning)a awm ngei ngei tur a ni, hemi kawngah pawh hian hmalak tum mek a nih thu tarlan a ni a, tin Vaihlo zuar dawr hrang hrang ten Naupang Kum 18 hnuai lam hnena hralh phal loh tih thuziak a lem nen tarlan ngei tur a nih thu sawi lan a ni, hei hi Naupang zawkte venhimna tur a tana Sorkar laipuiin a dan asiam a ni. Zirna in atanga Yard 100( Feet 300) huam chhungah Vaihlo atanga thil siam chhuah reng reng zawrh khap tlat a ni tih sawilan a ni bawk. Squad drive hi nasa zawk a kalpui zel tum a ni a, mizo mipuite kan lo hrisel zawk theihnan mipuite tawiawmna an ngen bawk a ni.