2118/2025-2026

Dated Aizawl: the 31 October 2025 : Vawiin khan Mizoram Cooperative Apex Bank Ltd. Board of Directors Meeting chu an chairman Pu  Lalnunsanga hovin Board of Directors Meeting Room, Head Office, Tuikual South-ah an thukhawm.

Meeting-ah hian Bank hmasawnna tura hmalakna te leh thingtlang kilkhawr zawk a mi ten awlsam  zawka Banking an tih ve theih nana hmalakna tur; Common Service Centre-te Banking  Correspondent atana hman chu remtih a ni a. Hemi rual hian Bank a loan latu te, a bik takin huan  thlai leh ran vulh lama loan latu ten Insurance an tih ve theihna turin IFFCO-TOKIO- General  Insurance Company nena thawhdunna thuthlung MoU sign pawh  remtih nghal a ni.

Meeting hian mimal loan dilna 114 leh pawl leh kohhran hrang hrang dilna 46-te chu pek chhuah a  remti a. Loan te hi Agriculture, Business, Housing loan, Society loan leh Handholding Scheme hnuaia  loan hrang hrang bakah Biak In sakna loan-te niin, vawiina Board Meeting-in A vaia sum pek chhuah  a remtih zat hi cheng nuai 3140 a ni.