2117/2025-2026

Khawzawl, dated 31st October 2025: Vawiin chawhma dar 11:00 khan DC Conference Hall, Khawzawlah, October 2025 atan District Level Narco Co-ordination Centre (NCORD) meeting neih a ni a, Khawzawl Bawrhsap Pu K. Vanlalthiana’n a kaihruai.

Meeting-ah hian Excise te leh Police te chuan an hmalak nate leh awareness an kalpui dan te report an pe a. Khawzawl CMO chuan Harm Reduction lama an hma lak dan report pein, Police te NGO te nen a an thawh ho a pawimawh zia a sawi bawk a, MSACS te nen pawh tha taka an thawh ho a beisei thu a sawi. Pastor leh kohhran hruaitute nena NCORD hminga awareness neih dan tur rel ho a ni bawk. Police leh Excise te leh YMA te chu Supply Reduction tha taka an kalpui theih nan thawhho a pawimawh thu sawiin an kalpui dan tur an rel a, School a awareness neih na tur a Nodal teacher an ruat te chu training neih pui ni se tih an rel bawk a, Nodal teacher te chu November ni 20 hian DC Auditorium-ah training neih an rawt a ni.

He hunah hian District Level Narco Co-ordination Centre (NCORD) member te chu kim takin an tel a ni.