51/2025-2026

Dated Aizawl the 4th April,  2025 : Vawiin khan Mizoram Cooperative Apex Bank Ltd. Special Meeting chuan kum 2024-2025 Financial Year chhunga sum chetvelna hrang hrang thlirhona Review Meeting an nei a. Kum 2024-25 closing dinhmun hi Deposit ah cheng vaibelchhia 1694 a ni a, mipui hnena Loan a pek chhuah chu cheng vaibelchhia 1218 niin Deposit atanga Loan pekchhuah tehfung (CD Ratio) chu 72% a ni.

Review meeting-ah hian Chairman, Pu Lalnunsanga chuan mipuite hnenah lawmthu sawiin, kum kal ta chhunga cheng vaibelchhe 46 lai an hlep (profit) thei chu Mizo mipuite vang chauh a nih thu a sawi a ni.

Vawiin vek   hian  Apex Bank chuan Nl. Lalruatfeli Hlondo (Mafeli Hlondo) chu, APEX Bank hmalaknate mipui zau zawk thleng thei tura tan lakpuitu (Brand Ambassador) ni turin  thawhdunna thuthlung a ziahpui nghal a. Brand Ambassador thar Nl. Mafeli chuan, Mizo Bank tana ke a penchhuak thei tur chu phurawm a tih thu sawiin Apex Bank chungah lawmthu a sawi nghal a ni.