Vawiin khan Vety Complex, Farm Veng, Lunglei ah Ar leh Vawk vulhtu Lunglei East leh Lunglei west cluster chhungkua 43 te hnenah NLUP 2nd Phase Final Instalment Rs. 1,22,78,650/- sem a ni.

NLUP semna inkhawm hi Dr. Vanlalbuanga, DVO, Lunglei in a kaihruai a, vawk leh ar a Lunglei districft a intodelh theih nan vawk leh ar hrisel zawk leh man man zawk an hralh theih nan beneficiaries kalkhawm te hrilhhriatna a nei. Pu Zathangliana, Lunglei District NLUP Coordinator in fuihna thusawiin, nikum kumtir leh kum laihawl vel khan vawk leh ar note sem a ni tawh a, a chaw leina pek zel an ni te hi lawm nachang hriat a ngaih thu a sawi a. Arsa leh Vawksa ah kan intodelh mek a, NLUP hming in ti mawi hle a ni a ti. NLUP in dawn tur hi taimak leh rinawmna nen chhungkua tan a in peipung theuh turin a chah bawk a ni. Lunglei district a vawk leh ar a kan intodelh theih nan vawk leh ar vulh dan tha zawk ngaihtuah in, a ek te hmang tangkai ila, sum tam tak kan lalut thei ang a ti. Sorkarin kuthnathawktu te a hmangaih a, sorkar laka kan bat ve chu a tih hlawhtlin a ni a ti.